Тарих және география мұғалімдерінің аудандық семинары

Білім бөлімінің жұмыс жоспарына сәйкес, 2023 жылдың 10 наурызында Зеренді ауылының №1 жалпы білім беретін мектебінің базасында тарих және география мұғалімдерінің аудандық семинары өтті. Семинар тақырыбы: "Тарих және география сабақтарында бағалаудың түрлерін қолдану". Семинар тақырыбы кездейсоқ таңдалмаған және ерекше назар аударуға тұрарлық. Оқушылардың білімі мен дағдыларын бағалау оқу процесінің маңызды буындарының бірі болып табылады. Бұл мектептегі білім деңгейінің ең айқын көрсеткіші, оқу проблемаларын диагностикалаудың негізгі индикаторы және кері байланыс құралы. Семинарды аудандық білім бөлімінің әдіскері Жаңаева Гульмира Кушеровна ашты, ол семинардың барлық қатысушыларына жемісті күн тіледі. Сыныптан тыс іс – шараны Зеренді ауылының №1 жалпы орта білім беретін мектебінің тарих пәні мұғалімдері 10-11 сынып оқушыларымен "Қазақстан-қара шаңырағым" тақырыбында көрсетті. Қазақстан тарихы сабағын Игілік ауылының жалпы орта білім беретін мектебінің педагог-сарапшысы Искакова Асемгуль Галимжановна 7-сынып оқушыларымен "ХІХ ғасырдың екінші жартысындағы Қазақ қоғамы" тақырыбында өткізді. Гранитный ауылының негізгі мектебінің педагогы Ғабдуллина Гүльяем Муталяповна жұмыс тәжірибесімен бөлісіп, "Инновациялық технологиялар Қазақстанның білім беру тиімділігіне қол жеткізу құралы ретінде" тақырыбында материал дайындады. Викторовка ауылының негізгі мектебінің педагог-зерттеушісі Лазутин Александр Викторович сабақта бағалауға арналған Веб-сервистер                 ( Kahoot, Online Test Pad ) туралы айтып, әріптестерінің оларды сабақта қалай пайдалана алатынын көрсетті. Семинар соңында сертификаттар табысталды, қонақтар мектеп әкімшілігі мен семинар ұйымдастырушыларына алғыстарын білдірді.