Құрметті жас түлектер!

Сіздерге Ақмола облысының мемлекеттік органдарындағы төменгі лауазымдарға конкурстан тыс тағайындалу мүмкіндігінің бар екенін хабарлаймыз!

Негізгі шарттары:

1. конкурссыз орналасу мүмкіндігі ЖОО бітіргеннен соң 1 жыл ішінде іске асырылады;
2. білім туралы дипломның GPA деңгейі кем дегенде 3.33 құрауы тиіс;
3. мамандығыңыз лауазымның біліктілік талаптарына сәйкес келуі тиіс;
4. конкурссыз Ақмола облысының аудандары мен қалаларындағы (Көкшетау қаласынан басқа) мемлекеттік органдарда бас маман / жетекші маман лауазымдарына орналасуға болады.

Ауылдық елді-мекендерге орналасқан жас мамандарға көтерме жәрдемақы және тұрғын үй сатып алуға немесе салуға бюджеттік несие беру мүмкіндігі қарастырылады.

Мемлекеттік қызметке конкурссыз орналасу үшін baspasoz_kyzmet@mail.ru почтасына келесі мәліметтерді жолдау қажет:

1. 2026 жылы алынған білім туралы құжат (диплом) және оның қосымшалары;
2. жұмыс істегіңіз келетін аудандардың және қалалардың (Көкшетау қаласынан басқа) атаулары;
3. үміткердің байланыс мәліметтері (телефон нөмірі).

Құрметті мемлекеттік қызметке түскісі келетін азаматтар!

Eqyzmet.gov.kz порталы арқылы конкурсқа қатысу барысында бөлмеге 360 градус форматында шолу жүргізу тәртібіне қатысты көптеген кандидаттарды мазалап жүрген өзекті сұрақтарға жауап беру үшін арнайы бейне-нұсқаулық әзірленді.

Мемлекеттік қызметшілерге демалыстың қандай түрлері беріледі?

«Қазақстан Республикасының мемлекеттік қызметі туралы» Заңының жаңа редакциясына сәйкес, мемлекеттік қызметшілерге қосымша төленетін демалыс күндері беріледі. Толығырақ ақпаратты бейнероликтен көре аласыздар.