• Басты бет
• Жаңалықтар

Жаңалықтар

• 
  19.03.2026 Зеренді ауданы білім бөлімі ұлттық құндылықтарды ұлықтауда ерекше бастама көтерді! 100 қыздың бұрымын өріп, қазақтың көнеден келе жатқан көркем дәстүрін жаңғыртқан бұл шара – нағыз рухани жаңғырудың жарқын көрінісі болды. Ұзын бұрым – қазақ қызының көркі ғана емес, тәрбиесі мен тектілігінің символы екенін тағы бір дәлелдеді. Бұл күн тек әдемілік мерекесі емес, ұрпақтар сабақтастығын жалғаған тарихи сәтке айналды. Бір мезетте өрілген 100 бұрым – бірлік пен дәстүрдің, нәзіктік пен ұлттық болмыстың үйлесімі!
• 
  12.03.2026 Мектепке дейінгі ұйымдарда және жалпы білім беретін мектептердің мектепалды сыныптарында "Наурыз мейрамы" ертеңгіліктерін ұйымдастыру бойынша әдістемелік ұсынымдар бойынша түсіндіру жұмыстары Әдістемелік ұсынымдар бойынша түсіндіру жұмысы Зеренді ауданының білім беру қызметкерлері мектепке дейінгі ұйымдар мен жалпы білім беретін мектептердің дайындық сыныптарының педагогикалық ұжымдары арасында «Наурыз мейрамы» мерекесін ұйымдастыру жөніндегі әдістемелік ұсынымдар бойынша түсіндіру жұмыстарын өткізді. Жұмыстың мақсаты – әдістемелік ұсынымдардың сақталуын қамтамасыз ету, тәрбиеленушілер үшін қауіпсіз және қуанышты мерекелік орта құру, сондай-ақ Қазақстан Республикасының заңнамасының барлық талаптарын ескере отырып іс-шараларды дұрыс ұйымдастыру. Педагогтарға сценарийлерді, безендіруді, музыкалық сүйемелдеуді дайындау ерекшеліктері және балалардың мереке кезінде қауіпсіздігін қамтамасыз ету мәселелері түсіндірілді. Наурыз мейрамын білім беру ұйымдарының қабырғасында атап өту-балалардың туған мәдениетіне деген сүйіспеншілігін, ұлттық құндылықтарға деген құрметін және шығармашылыққа деген қызығушылығын қалыптастыратын тәрбиелік іс-шара.
• 
  10.03.2026 Зеренді ауылының №2 жалпы орта білім беретін мектебінде 7–11 сынып оқушылары арасында қазақ тілі мен әдебиетінен Қанипа Бітібаева атындағы республикалық олимпиаданың аудандық кезеңі өткізілді. Олимпиаданың негізгі мақсаты – Қазақстан Республикасы бойынша дарынды оқушыларды анықтау, олардың шығармашылық қабілеттерін дамыту және қолдау көрсету. Олимпиада екі кезеңнен тұрды: 1-айналым – жазбаша кезең, онда қатысушылар эссе жазды. 2-айналым – ауызша кезең, бұл кезеңде оқушылар қазақ тілінен, қазақ әдебиеті шығармаларынан, Қанипа Бітібаеваның өмірбаяны мен ғылыми мұрасынан, сондай-ақ публицистикалық еңбектерінен білімдерін көрсетті. Олимпиада қорытындысы бойынша келесі жеңімпаздар анықталды:
• 
  27.02.2026 қоғамдық талқылау 2025 есеп /public/files/2026/2/27/270226_162428_otchet2025-kaz-2.docx /public/files/2026/2/27/270226_162441_otchet-po-gos-uslugam2025-1.docx
• 
  23.02.2026 Ақмола облысы білім басқармасының, Зеренді ауданы бойынша білім бөлімінің, “Ақадыр ауылының ЖОББ мектебі” КММ 11 сынып оқушысы Солтанбек Аян Талғатұлы. Жетекшісі: қазақ тілі мен әдебиеті пәні мұғалімі Силам Мейрамгүл. Алматы қаласында ұйымдастырылған Республикалық XXI ғасыр көшбасшысы зияткерлік дода – тек білімді ғана емес, жылдамдықты, сыни ойлауды, көшбасшылық қабілетті талап ететін үлкен алаң. Осындай бәсекеде үздіктер қатарынан көрініп, 4-орын алу қарапайым ауыл мектебінің оқушысы үшін– үлкен жетістік! Бүгінгі 21 ғасыр – инновация мен технология ғасыры. Ал сол дәуірдің нағыз көшбасшысы болу үшін білім, батылдық және үздіксіз ізденіс қажет. Аян осы қасиеттерді дәлелдеп, өзінің жаңашыл ойлайтын, білімге құштар жас екенін көрсетті. Бұл – тек бастамасы!
• 
  13.02.2026 «Ақмола облысы білім басқармасының Зеренді ауданы бойынша білім бөлімі» ММ, 2025 жылдың 1 наурызға дейін ресми интернет ресурста мектепын 2025 жылға арналған мемлекеттік қызметтер көрсету мәселелері бойынша қызмет есебінің ашық талқылауға ұсынылатынын хабарлаймыз. Осыған байланысты, барлық ниет білдірушілерді ашық талқылауда белсенді түрде қатысуларыңызды сұраймыз.
• 
  12.02.2026 2026 жылғы 9-11 ақпан аралығында Көкшетау қаласы «Білім-инновация» лицей-интернатының базасында 7-11 сынып оқушылары арасында «Жарқын болашақ» республикалық қазақ тілі олимпиадасының облыстық кезеңі өтті. Облыстық кезеңге біздің ауданнан 5 оқушы қатысты. «Әнші бұлбұлдар» (ән айту) номинациясы бойынша I орын Ақадыр ЖОББМ-нің 10 сынып оқушысы Тұрсынхан Арсен, жетекшісі: Ермаканова Аягөз Мейрамгалиевна. «Сөз шеберлері» (Көшілік алдында белгілі бір тақырыпта сөз сөйлеу) номинациясы бойынша II орын Сейфуллин ЖОББМ-нің 9 сынып оқушысы Бегаева Ақниет, жетекшісі: Нурбекова Данагуль Тураловна. «Білгірлер бәйгесі» (мақал-мәтел, жұмбақ, ертегілер бойынша сайыс) номинациясы бойынша грамотамен Жолдыбай НОМ-нің 9 сынып оқушысы Қалымжан Бекзат, жетекшісі: Маженова Жамал Айдарбековна. «Бейнелеушілер» (қазақ әдебиетіндегі шығармаларды комикс жанрында салу) номинациясы бойынша сертификаттармен Зеренді ауылының мектеп-интернатының 9 сынып оқушысы Жолдыбек Айдын, жетекшісі: Халелова Эльмира Майдановна. «Жас қаламгер» (жазбаша шығармашылық жұмыс) номинациясы бойынша Елікті ауылының ЖОББМ-нің 7 сынып оқушысы Рамазан Дамира, жетекшісі: Байшураева Сана Энбековна. Облыстық кезеңнің нәтижесі бойынша 1 орынды иеленген Тұрсынхан Арсен республикалық кезеңіне қатысуға жолдама алды. Жеңімпаздарды шын жүректен құттықтаймыз, биік белестерден көріне берсін!!!
• 
  10.02.2026 Зеренді білім бөлімі жоспары бойынша «Заң мен тәртіп» жобасы кәмелетке толмағандар арасында нашақорлықтың алдын алу және құқықтық сана қалыптастыру мақсатында «Қасірет» атты театрландырылған қойылым Зеренді ауданының Мәдениет үйінде 7–11 сынып оқушыларына көрсетілді. Аталған қойылым жасөспірімдер мен жастарға үлкен тәрбиелік әсер қалдырды. Қойылым барысында есірткінің адам өмірі мен тағдырына тигізетін ауыр зардаптары көркем тілмен, әсерлі сахналық көріністер арқылы бейнеленді. Театрландырылған қойылымды Зеренді ауылы Балалар мен жасөспірімдер шығармашылығы орталығының «Жас сахна» үйірмесінің жас актерлері дайындады. Қойылым жетекшісі – Жансая Еркешқызы. Іс-шараға арнайы қатысқан құрметті қонақтар: Зеренді ауданы прокуратурасының аға прокуроры Буркитов Шыңғысхан Ардақұлы, Зеренді ауданы Жастар орталығының басшысы Даняр Кайратович, Зеренді ауданы полиция бөлімінің бастығының орынбасары, полиция полковнигі Чокпаров Бахтияр Турекулович. Қонақтар жастармен кездесіп, құқық бұзушылықтың алдын алу, салауатты өмір салтын ұстану және заңға бағынудың маңыздылығы туралы тағылымды ойларымен бөлісті. Бұл іс-шара өскелең ұрпақтың құқықтық сауаттылығын арттыруға, зиянды әдеттерден аулақ болуға шақырып, профилактикалық жұмысты күшейтуге зор үлес қосты.
• 
  02.02.2026 2026 жылғы 27–29 қаңтар аралығында Көкшетау қаласында Сәкен Жүнісов атындағы №18 мектеп-лицейінің базасында «Robotek Grand Tournament» республикалық робототехника чемпионатының облыстық кезеңі өтті.емпионаттың негізгі мақсаттары мен міндеттері — роботтарды құрастыру және бағдарламалау, инженерлік ғылымдар, ғылыми-техникалық шығармашылық, бағдарламалау және басқа да инновациялық білім беру технологиялары саласында дарынды оқушыларды анықтау және қолдау, сондай-ақ спорттық және білім беру робототехникасын кеңінен насихаттау. Чемпионатқа робототехникамен айналысатын 119 оқушы қатысты. Жеңімпаздар мен жүлдегерлер әртүрлі жас санаттары бойынша 7 командалық жарыс түрі бойынша анықталды. Robotek Grand Tournament робототехника сайысының облыстық кезеңінде аудан мектептерінің командалары жоғары нәтижелерге қол жеткізді.
• 
  26.01.2026 2026 жылғы 20–23 қаңтар күндері Көкшетау қаласында қысқы әскери көпсайыс бойынша «Қалқан» жарысы өтті. Ауданымыздың атынан Ермек Әмір, Қаиргелді Рассул және Глушак Дарья қатысып, жүлделі III орынға ие болды. Жеңімпаздарымызды құттықтаймыз! Жаттықтырушы: Кокушев Б.Е