• Басты бет
• Жаңалықтар

Жаңалықтар

• 13.10.2025 Зеренді ауданы білім бөлімінің қызметкерлері “Таза Қазақстан” экологиялық акциясын қолдап сенбілікке қатысып ағаш отырғызды. #ТазаҚазақстан
• 09.10.2025 Құрметті білім бөлімінде қызмет атқарған ардагер-педагогтар! Сіздерді Қарттар күнімен шын жүректен құттықтаймыз! Көпжылдық еңбектеріңіз, өмірлік тәжірибелеріңіз және жас ұрпаққа үлгі болған даналықтарыңыз үшін зор алғысымызды білдіреміз. Әр күніңіз мейірім мен жылулыққа, жақын жандарыңыздың қамқорлығы мен айналаңыздың сый-құрметіне толы болсын. Сіздерге мықты денсаулық, жан тыныштығы және ұзақ, бақытты ғұмыр тілейміз!
• 09.10.2025 2025 жылдың 2 қазан күні Зеренді ауданы Мәдениет үйінде Ұстаздар күніне арналған салтанатты іс-шара өтті. Іс-шараға педагогикалық еңбектің ардагерлері, мектеп директорлары, жас мамандар және білім беру жүйесінің қызметкерлері қатысты.
• 26.09.2025 2025 жылдың 25 қыркүйегінде «Ақмола дарыны» дарынды балалар мен талантты жастарды анықтау және қолдау орталығының жұмыс жоспарына сәйкес «Машиналық шығармашылық немесе цифрлық виртуалды өнер» тақырыбында қосымша білім беру әдіскерлері мен мұғалімдеріне арналған облыстық оқыту семинары өтті. Семинарға Ақмола облысынан 56 қосымша білім беру педагогі қатысты. Семинарды «Ақмола дарын» орталығының басшысы Оразов Еркін Жаргульбаевич құттықтау сөзімен ашты. Спикерлер ретінде Зеренді, Бурабай, Жақсы аудандарының БЖШО және БММ қосымша білім беру педагогтері сөз сөйледі. Облыстық оқыту семинар педагогтерге келесі мүмкіндіктерді берді: - өз сабақтарында жасанды интеллектті интеграциялау үшін жаңа білім, дағдылар мен құралдарды еңгізу; - білім беру сапасын жақсарту: қосымша білім беруде жаңа технологияларды қолдану, оқушылардың материалды тереңірек және түсінікті игеру, олардың шығармашылық ойлау қабылеттерін ынталандыруға және қазіргі әлемде табысты бейімделу үшін қажетті жаңа дағдыларды дамытуға ықпал етуі мүмкін; - қызметтің әртүрлі салаларында қолданудың практикалық мысалдарын ұсыну; - жасанды интеллект негізіндегі инновациялық білім беру өнімдері мен қызметтерінің үлгілерін көрсету және көру; - қосымша білім беруде жасанды интеллектті қолданудың артықшылықтары мен ықтимал қиындықтарын талқылау; -қатысушыларға өз білімдерін мастер-класстар мен ашық сабақтар арқылы іс жүзінде қолдануға мүмкіндік беру. Жалпы алғанда, семинардан алған негізгі әсерлер оң және ынталандыратын болды, өйткені қатысушылар өздерінің педагогикалық практикасын жетілдіру және білім беру үдерісін байыту үшін жаңа білім, дағдылар мен идеялар алды.
• 26.09.2025 2025 жылғы 26 қыркүйекте Зеренді ауылының аудандық Мәдениет үйінде «Құқықбұзушылықтың, нашақорлықтың алдын алу – білім беру мен отбасының стратегиялық міндеті» тақырыбында Зеренді ауданының ата-аналарына арналған аудандық семинар өтті. Семинарға ауданнан 250-ден астам ата-ана қатысып, өскелең ұрпақтың қауіпсіз әрі салауатты болашағын қалыптастыруда отбасы мен мектептің рөлі туралы маңызды мәселелер талқыланды. Кездесу қонақтары: Зеренді ауданы әкімінің орынбасары Даукенов Ермек Қуандықұлы, Зеренді ауданының прокуроры, әділеттің аға кеңесшісі Дастан Асқарұлы, Зеренді ауданы полиция бөлімінің жергілікті полиция қызметінің бастығы, полиция майоры Садырбаев Ернар Серқазыұлы, Ақмола облысы білім басқармасының «Психологиялық қолдау орталығы» КММ психологиялық жұмыс бөлімінің психологы Хасенов Айбек Рашидұлы, Ақмола облыстық психикалық денсаулық орталығының психологы Әлжанова Айгүл Төлегенқызы. Семинар барысында Зеренді ауылы мектептерінің педагог-психологтары Исаканова А.З., Сулаймонова А.А., Тасанова А.О. және Лантух Л.А. «Жүрекпен тыңдау: бала өзін қауіпсіз сезінетін ата-ана болу» атты практикум өткізді. Спикерлер тәжірибелерімен бөлісті. Сандыбек Нұршәріпұлы әке тәрбиесінің маңызы, рухани құндылықтар, әрбір балаға шексіз сүйіспеншілік пен қолдаудың қажеттілігі жайлы ой қозғады. №2 Зеренді орта мектебінің директоры Смағұлова Бақытгүл Тимирхановна ата-аналарды педагогикалық қолдау орталығының тәжірибесін ұсынып, баланың тұлғалық дамуы үшін отбасы мен мектептің үйлесімді ынтымақтастығы қажет екенін атап өтті. Ал Канай би ауылы негізгі орта мектебі директорының тәрбие ісі жөніндегі орынбасары Шешхан Алтынсекер балалардың рухани дамуына, адамгершілік тәрбиесіне және ұлттық дәстүрлерді насихаттауға бағытталған «Даналық мектебі» клубтарының тәжірибесімен бөлісті. Спикерлер кәмелетке толмағандардың қауіпсіздігі, құқықбұзушылық пен нашақорлықтың алдын алу тек отбасы, мектеп және қоғамның бірлескен іс-әрекеті нәтижесінде оң нәтиже беретінін атап өтті. Семинар жауапты әрі бақытты ұрпақ тәрбиелеу жолында диалог құруға, тәжірибе алмасуға және күш біріктіруге арналған маңызды алаң болды.
• 26.09.2025 бұйрық /public/files/2025/9/26/260925_162411_prikaz-podvoz-1.pdf
• 26.09.2025 Білім беру ұйымдарының балаларды тасымалдауы жөніндегі ӘДІСТЕМЕЛІК ҰСЫНЫМДАР /public/files/2025/9/26/260925_162220_metodichka-po-organizacii-povoza-uchaschihsyarus.pdf
• 26.09.2025 БАЛАЛАРДЫ ТАСЫМАЛДАУДЫ ҰЙЫМДАСТЫРУ ТУРАЛЫ БІЛІМ БЕРУ ҰЙЫМДАРЫНА АРНАЛҒАН АЛГОРИТМ /public/files/2025/9/26/260925_162023_algoritm-kaz0823192750.pptx
• 23.09.2025 2025 жылғы 17 қыркүйек күні Көкшетау қаласындағы №13 «ЭКОС» мектеп-гимназиясында «Білім келешегі: адал азамат, кәсіби маман» облыстық конференциясының аясында экологиялық-өлкетану секциялық отырысы өтті. Отырысқа облыстың білім беру ұйымдарынан және колледждерінен ұстаздар қатысты. Шараның модераторы – Орталықтың әдіскері Жұлдыз Тұрсынбекқызы Өтебаева. Ол жаңа оқу жылынан бастап барлық білім беру ұйымдарында тәрбие жұмысы «Адал азамат» атты бірыңғай бағдарлама аясында жүргізілетінін атап өтті. Конференция барысында Зеренді аудандық білім бөлімінің әдіскері Нұрсулу Жанкелдинова 50 000 теңгелік сертификатпен, сондай-ақ Зеренді аудандық білім бөлімі 200 000 теңгелік сертификатпен марапатталды. Құттықтаймыз! /public/files/2025/9/23/230925_163817_mg0167.JPG /public/files/2025/9/23/230925_163833_mg0154.JPG
• 22.09.2025 Қабылдануы «Қазақстан Республикасының кейбір заңнамалық актілеріне астананы және республикалық маңызы бар қалаларды, ұлттық жобаларды дамыту, кәсіпкерлік және мемлекеттік органдардың функцияларын оңтайландыру мәселелері бойынша өзгерістер мен толықтырулар енгізу туралы» 2025 жылғы 17 шілдедегі Қазақстан Республикасының Заңымен негізделген құқықтық актілердің тізбесі /public/files/2025/9/22/220925_122739_pi-120116-perecheny-kaz-izm1.docx